Cerkak Basa Jawa

Cerkak yaiku susastra gancar (karya sastra prosa) kang isine nyritakake sawijine lelakon kang dianggep wigati kang duweni kesan tunggal (kurang saka 10.000 tembung). Cerkak iku pancen sawijining crita kang cekak (kalebu crita wacan narasi), nanging ora teges menawa kabeh crita cekak iku dijenengake cerkak. Umpamane fabel, dongeng, anekdot, lan crita-crita rakyat minangka tuladha crita kang cekak, nanging ora bisa diarani cerkak.

Cerkak nduweni titikan mangkene:

1. Critane cekak
2. Cacahe paraga mung sithik
3. Paraga sing dicritakake ora owah nasibe
4. Critane fiktif utawa ora nyata. Arepe dudu crita sing satenane, isine crita logis kaya urip satenane
5. Pokoking crita (masalah) tumuju marang sawijining crita, kang njalari efek tunggal lan kesan tunggal.
6. Ngandharake perkara kang winates karo bab-bab kang penting wae
7. Ngandharake prastawa kang tliti lan cetha uga prayoga
8. Menawa ditulis mung antarane 3 tekan 10 kaca.

Unsur-unsur pandhapuke cerkak ana 2 yaiku:

1. Unsur Intrinsik

    a. tema: underane perkara

    b. alur: urut-urutane kedadeyan

    c. tokoh: paraga

    d. watak: sifate paraga

    e. setting: papan kedadeyan

    f. amanat: piwulang kang dikandhut

2. Unsur Ekstrinsik

    a. faktor agama

    b. faktor ekonomi

    c. faktor pendhidhikan

    d. faktor sosial

    e. faktor budaya